Om Okkur

Á Efri-Rotum undir Eyjafjöllum er stunduð hrossarækt og eru það Jakob Lárusson og
Brynhildur Oddsdóttir ásamt Ingibjörgu Aldísi Jakobsdóttir sem halda um tauminn.

 Um 20 hross eru nú í eigu okkar en stefnan er að hafa um 40 hrossa stóð.
 Jakob Lárusson er fæddur 1977  í Reykjavík og er uppalinn þar.

Frá  6 ára til 16 ára er hann í sveit á sumrin hjá Ömmu sinni og Guðmundi frænda á Núpi
undir Eyjafjöllum. Guðmundur hélt honum við verkið svo eitthvað yrði úr stráksa en á kvöldin
var farið á hestbak en ávalt voru reiðhestar á járnum á Núpi. Má þar með álykta að þar hafi
kviknað á hestaáhuganum.

Vegna mikils áhuga á hestum færði hann sig aðeins austar um 5 km þ.e.a.s. að Skálakoti
en þar búa Guðmundur Viðarsson og kona hans Jóhanna Þórhallsdóttir. Þar verða sumrin mörg.
Undir leiðsögn Mumma lærði hann  járningar, frumtamningar og ýmislegt annað en Skálakots tíminn
var mikill skóli. Á veturnar var Iðnskólinn í Hafnarfirði sóttur og hann loks kláraður þegar hann var
22 ára með sveinspróf í stálsmíði.

23 ára var haldið norður og sest á skólabekk að Hólum í Hjaltadal. Námið tók 2 ár og útskrifast
hann með Tamningar próf í FT.  Það má segja að annar heimur hafi opnast inn í hestamennskuna þar.

Á meðan náminu stóð var hann með aukahest á Vatnsleysu og viðveran þar með Jóni K. Friðriksyni
og fjölskyldu  kveikti áhuga Jakobs  á hrossarækt.

Það er ekki annað hægt  en að heillast af þessum hrossum á Vatnsleysu, eins stór, háfætt og hágeng
þau eru. Þetta  er það sem grípur menn og verður að segjast að þar sé fyrirmyndin komin.

Stangir og mél  er ekki síðra áhugamál en hrossarækt. Vegna náms í stálsmíði og vinnu í rústfríu stáli í
Landsmiðjunni   var kominn kunnátta til smíðar á beislisstöngum. Þetta er tímafrekt áhugamál ef vel á
að ganga.